Тибқи изҳороти Донишгоҳи Ҷанубу Ғарбии "Сзаотун",ки яке аз лоиҳакаши ин таҳқиқот ба ҳисоб меравад, суръати ҳаракати қатора 620 км / соатро бояд ташкил диҳад. Бо ин таркиб, фарқияти чунин қатора аз дигар қатораҳо ва трамвайҳои анъанавӣ дар он аст, ки ҳангоми ҳаракат он ба сатҳи роҳи оҳан намерасад. То ба ҳол чунин қатораҳо ба суръати ҳамагӣ 603 км / соат танҳо озмоиш шудаанд.

Ширкати «Hyundai»-и Кореяи Ҷанубӣ роботи бо ном «Tiger X-1» -ро сохтааст, ки дар оянда барои бурдарасонии бор ҳатто ба ҷойҳои мушилдастрас истифода бурдан мумкин аст. Вай роҳҳои ҳамворро бо чархҳо ба монанди роботҳои хаткашон аз ширкатҳои «Amazon» ва «Яндекс» тай мекунад. Аммо дар ҳолати пеш омадани монеа дар роҳ, ӯ ба по хеста, болои онҳо қадам мегузорад. Дар ҳолати зарурӣ қисми болоии онро ба осонӣ иваз кардан имконпазир аст. Дар асл, ин модели робот аз ҳама шакли хурдтарини чунин воситаи нақлиёт ба ҳисоб меравад.

3 феврал Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Бобоҷон Ғафурови вилояти Суғд аз гармхонаи иинноватсионии Ҷамъияти дорои масъулияти маҳдуди «ММК Агро» дидан намуда, дар маъракаи ҷамъоварии ҳосили помидор ширкат варзиданд. Иншооти мазкур дар доираи ҳидоятҳои бевоситаи Пешвои миллат муҳтарам Эмомалӣ Раҳмон ташкил гардида, дар он помидору бодиринг, қаланфури булғорӣ, ҳандалак ва дигар намуди сабзавот бо охирин насли технологияи инноватсионӣ парвариш карда мешаванд. Гармхонаи инноватсионӣ аз ҷониби соҳибкор Мирзобахтиёр Мирзобаҳодуров дар соли 2020 дар масоҳати 2 гектар ташкил гардида, он ба ду қисм - гидропоникӣ ва органикӣ ҷудо шудааст. Технологияи парвариш аз Кореяи Ҷанубӣ харидорӣ карда шудааст.